Ватиканы хэвлэл Ромын пап лам Францис Монгол Улсад хүрэлцэн ирсэн талаар мэдээлсэн байна. Тус нийтлэлээс орчуулан хүргэе.
Пап лам Францисыг тээвэрлэсэн “ITA Airways” компанийн онгоц пүрэв гарагийн орой хөөрсөн. Онгоц Улаанбаатарт орон нутгийн цагаар өглөөний 10 цагийн үед газардсан байна. Францисыг Улаанбаатар хотын Чингис хаан нисэх онгоцны буудалд газардахад Монгол Улсын гадаад хэргийн сайд Б.Батцэцэг, Гэгээн ширээт улсад Монголоос сууж буй элчин сайд Д.Гэрэлмаа нар хүлээн авчээ.
Мөн Монгол Улсын Төрийн хүндэт харуулууд эртний түүхийг нь санагдуулам улаан, хөх, шар өнгийн дүрэмт хувцас өмсөн жагссан байв. Онгоцны буудал дээр болсон богино хэмжээний угтан авах ёслол болсон. Тус ёслолын үеэр үндэсний хувцас өмссөн Монгол бүсгүй Пап ламыг үхэр, сарлаг, тэмээний сүүгээр хийдэг ааруул нэртэй бүтээгдэхүүнээр угтсан. Францис тавагтай идээг эелдгээр хүлээн авч, амссан байна.
Эх сурвалж: Vatican News
