БШУЯ-нд "2023-2024 оны хичээлийн жилийн бэлтгэл" сэдвээр холбогдох бүх газар, хэлтсийн дарга нар мэдээлэл өгч байна.
Боловсролын Ерөнхий газрын дарга Т.Ням-Очирын өгсөн мэдээллээс онцлон хүргэж байна.
- Энэ хичээлийн жилд хамтын оролцоотойгоор үр дүнд суурилсан ахиц дэвшлийг гаргах зорилт тавьсан. Өнгөрсөн хичээлийн жилд БҮТ-өөр дамжуулан хөндлөнгийн үнэлгээ хийж, чанарын судалгааг бүх шатны боловсролын байгууллагуудад хийсэн ба үүн дээр үндэслэн цаашдын зорилго, зорилтоо дэвшүүлсэн.
- Бид 2023-2024 оны хичээлийн жилд цоо шинэ хууль эрх зүйн хүрээнд ажиллана. Тиймээс түвшин бүрд хуулиа хэрэгжүүлэх нь бидний хувьд гол зорилго байх болно.
- Дүүрэг бүрд хоёр хүртэлх ахлах сургуулийг хуулийн агуулгад нийцүүлж байгуулан ажиллуулах, их дээд боловсрол МСҮТ нэгтгэх, өөрчлөх, заримыг нь татан буулгана.
- Хүүхэд сурч хөгжих, боловсрох орчныг сайжруулах ба энэ хүрээнд дотуур байр, номын санг тохижуулах болно.
- Хичээлийн дөрвөн улиралтай байхаар бүтцийг шинэчилсэн ба хэн дуртай нь өөрчлөх боломжгүй.
- ЕБС-ийн сурагчид 781 мянган хүүхэд өнгөрснөөс 35-40 мянган хүүхдээр өссөн ба үүний 50-60 хувь нь Улаанбаатарт хотод байна. Тиймээс Засгийн газраас үүнийг шийдвэрлэх тогтоол гаргаж, хэрэгжүүлэх ажлын хэсэг ажиллаж байна.
- Мэргэжлийн боловсролд 40 мянга орчим хүүхэд суралцах, 22 мянган шинэ элсэгч
- Дээд боловсрол 147 мянган оюутан суралцаж, 25 мянган шинэ элсэгч тус тус байна.
- ЕБС-ийн 1 дүгээр ангийн элсэлт Улсын бүртгэлийн системээс 6 настай хүүхдүүдийн мэдээллийг Боловсролын салбарын системээр дамжуулан хамран сургах тойргийн дагуу бүртгэлийг илгээснийг иргэд баталгаажуулсан. Тойргийн бус гэдгээ мэдсээр байж танил тал, өөр аргаар элсүүлэх гэж хичээх нь элсэлтийн ажилд садаа болж байна. Тиймээс хяналт шалгалтуудыг цаг тухай бүрд нь хийж, хуурамч бичиг баримт бүрдүүлсэн тохиолдолд гэрээр нь очиж шалгах ажлыг зохион байгуулж байна.
- Нийслэлийн хэмжээнд 47 сургуулийн 33 мянган хүүхэд гурван ээлжээр хичээллэх эрсдэлтэй байгаа учир богино хугацаанд зохион байгуулалтыг тохируулах арга хэмжээ авахаар болсон.
