Нэг сартай нярай хүүхдээ хөхөөрөө дарж, санамсар болгоомжгүйгээр амийг нь хөнөөсөн харамсалтай хэрэг гарчээ.
Тодруулбал, өнгөрсөн 6 дугаар сарын 29-өөс 6 дугаар сарын 30-нд шилжих шөнө Багануур дүүргийн 5 дугаар хороонд байрлах ….. тоотод өөрийн төрсөн хүүхэд 1 сар 29 хоногтой Д-г шөнө хөхүүлж байхдаа унтсаны улмаас хөхөөрөө ам, хамрыг нь дарж амь насыг нь хохироосон хэрэг гарчээ.
Хэрэг талаар: “шөнө унтаж байгаад ээж нь хүүхдээ хөхүүлэхдээ нойрмоглоод дарчихсан гэсэн. Тэгээд өглөө босоод хүүхдээ хартал бие нь цэв хүйтэн болчихсон байна гэж мэдүүлжээ.
Хэргийн газарт хийсэн үзлэг шинжилгээ, шүүх шинжээчийн дүгнэлтээр талийгаач нярайн ам, хамрыг ээж нь унтаж байхдаа хөхөөрөө дарж болгоомжгүйгээр амийг нь хохироосон гэсэн дүгнэлт гарсан байна.
Шүүхээс хэрэг үйлдсэн этгээдэд Эрүүгийн хуулийн тусгай ангийн 10.6 дугаар зүйлийн 1 дэх хэсэгт заасан хүний амь насыг болгоомжгүйгээр хохироох гэмт хэргийг үйлдсэн гэм буруутайд тооцож,
Мөн үүнээс гадна эцэг, эхчүүдийн анхаарал болгоомжгүй байдлаас болж, нярай хүүхдээ хэвтээ байдлаар хөхүүлж байхдаа “хөхөөрөө дарж, амьсгалыг нь боогдуулсан” хэрэг явдал гарсан албаны эх сурвалжууд, сэрэмжлүүлэн мэдээлж байв.
