Монголын үндэсний бөхийн холбоо 2022 оноос эхлэн 21 аймгийн бөхчүүдийг алтан цомын төлөө өрсөлдүүлж эхэлсэн. Алтан цомын төлөөх анхны барилдаанд Архангай аймгийн бөхчүүд түрүүлж цом өргөсөн юм. Энэ жилийн барилдаанд 21 аймгаас гадна Улаанбаатар хот, Өвөр Монгол, Тувагийн багийг нэмж оролцуулахаар болсон байна. Ингэснээр нийт 24 баг алтан цомын төлөө өрсөлдөх юм.
Алтан цомын барилдааны бүртгэлийг ирэх есдүгээр сарын 5 хүртэл зохион байгуулахаар болжээ. Монголын үндэсний бөхийн холбоо барилдаанд оролцох багуудын мэдүүлгийг есдүгээр сарын 5-ныг хүртэл хүлээн авах ажээ. Баг тус бүр долоон бөхөөс бүрдэх бөгөөд өөрийн аймгийн нэр дээр бусад аймгаас бөх оролцуулан барилдуулах боломжтой гэдгийг Монголын үндэсний бөхийн холбооноос мэдээллээ.
