АТГ-ийн хэрэг шийдвэрлэлтийн мэдээллээр прокурорын байгууллагад хүргүүлсэн гэх хэргүүдийн мэдээлэл дунд “Э” нь улс төрд нөлөө бүхий этгээдээр ажиллаж байхдаа хахуульд авсан 2 тэрбум төгрөгийн хууль бус эх үүсвэрийг нуун далдлах зорилгоор мөнгө угаах гэмт хэргийг албаны чиг үүрэг, бүрэн эрх, нөлөөг урвуулан ашиглаж үйлдсэн гэх" хэмэээн дурдсан бөгөөд тухайн улс төрд нөлөө бүхий "Э" гэх этгээд бол АН-ын дарга асан С.Эрдэнэ юм.
АТГ-ын мэдээллээр С.Эрдэнэ ХНХ-ийн сайдаар ажиллаж байхдаа өөрийн хамаарал бүхий "Молор трейд" ХХК-ийн нэрээр СХД-ийн нутаг дэвсгэрт махны зоорь барьж, ашиглалтад оруулахдаа зориулалтаа өөрчилж, тухайн үед Эдийн засгийн хөгжлийн сайдаар ажиллаж байсан "Фортуна" Н.Батбаяртай үгсэн тохиролцож хахуульд авсан хоёр тэрбум төгрөгийнхөө эх үүсвэрээ нуун далдлах зорилготой МӨНГӨ УГААСАН ГЭЖ ҮЗЭН тус үйлдэлд нь АТГ-аас мөрдөн шалгах ажиллагааг явуулж, хэргийг шүүхэд шилжүүлэх саналтайгаар прокурорт хүргүүлээд байгаа аж.
