"Хүүхдийн оролцооны Үндэсний чуулган-2023" өнөөдөр Төрийн ордонд болж байна. Чуулганд аймаг, сум, нийслэл, дүүргийн 700 гаруй сурагч төлөөлөл болон оролцож, өөрсдийн байгуулсан оролцооны байгууллагуудаараа дамжуулан тулгамдаж буй асуудал түүнд тохирох гарц, шийдлийн талаар үзэл бодол, байр сууриа илэрхийлж, хэлэлцүүлэг зохион байгуулсан юм.
Тэд боловсрол, сургалтын чанар, багшийн хүрэлцээ, анги дүүргэлт, эрүүл мэнд, зөв хооллолт, сургуулийн орчин, ариун цэврийн асуудлаас эхлээд хүүхэд хөгжлийн төв, дугуйлан секц, зуслангийн хүрэлцээ муу байгааг илэрхийлэв. Хөдөлмөр нийгмийн хамгааллын яамны сайд Х.Булгантуяа"Чуулганд оролцогч хүүхдүүд нэгдүгээрт үе тэнгийнхэн, хоёрдугаарт эцэг эх, төр засгийнханд зориулж уриалга гаргана гэж байна. Тэднээс Хүүхдийн дунд хамгийн тулгамдсан асуудлууд юу байна уу? гэхэд хүүхдийн хүмүүжлийн асуудлууд, эрүүл аюулгүй орчинд сурч хүмүүжиж, амьдарч чадахгүй байна гэхчлэн хэлж байна" гэв.
