Буудлагын эмэгтэй шигшээ баг 10 метрийн хийн гар бууны төрөлд 8-р байр эзэллээ

• Буудлагын спортын дэлхийн аварга шалгаруулах тэмцээн болж байна
• Монголын эмэгтэй шигшээ баг 10 метрийн хийн гар бууны төрөлд 8-р байр эзэллээ
• Тэмцээнд Монголын 15 мэргэн бууч дэлхийн 1249 тамирчинтай өрсөлдөж байна

Буудлагын спортын дэлхийн аварга шалгаруулах 54 дэх удаагийн тэмцээн Азербайжаны нийслэл Баку хотод эхэллээ. Есдүгээр сарын 1 хүртэл үргэлжлэх тэмцээнд Монгол улсаас 15 мэргэн бууч оролцож байна.

Тэмцээний эхний медальтнууд өчигдөр тодорсон бөгөөд Монголын эмэгтэй шигшээ баг 10 метрийн хийн гар бууны төрөлд 8-р байр эзэллээ. Тус төрөлд нийт 24 орны шигшээ баг өрсөлдсөн бөгөөд Хятадын шигшээ баг 1728 оноогоор түрүүлж, Унгар, Ираны шигшээ баг мөнгө, хүрэл медалийг хүртсэн юм.

Э.Хишигдэлгэр, Ц.Анударь, Т.Баярцэцэг нарын бүрэлдэхүүнтэй оролцсон монголын шигшээ баг зургаан үед нийт 1712 оноо авч Японтой тэнцсэн бөгөөд байн голд оносон тоогоор дутаж ард нь бичигдсэн.

10 метрийн хийн гар бууны эмэгтэй багийн төрөл:

1. Хятад - 1728-53х
2. Унгар - 1726-53х
3. Иран - 1724-53х
4. Тайвань - 1722-55х
5. Өмнөд Солонгос - 1719-61х
6. Герман - 1718-53х
7. Япон - 1712-45х
8. Монгол - 1712-42х
9. АНУ - 1710-42х
10. Вьетнам - 1709-42х