-БХЯ:Оросын зэвсэгт хүчин Купянскийн чиглэлд довтолгооны нөхцөл байдлаа сайжруулсан-
Купянскийн чиглэлд хийж буй довтолгооны ажиллагааны үеэр баруун хэсгийн отрядууд фронтын шугамын дагуу байр сууриа бэхжүүллээ гэж наймдугаар сарын 16-нд ОХУ-ын Батлан хамгаалах яамнаас мэдээлэв.
Купянскийн чиглэлд давшиж буй цэргүүд өдрийн турш Украины армийн есөн довтолгоог няцааж чаджээ. Тодруулбал, Бүгд Найрамдах Луганск Ард Улсын Новоселовский, Сельмахивка, Харьков мужийн Ольшаны, Синковка зэрэг газруудад Оросын цэргүүд Украины зэвсэгт хүчний 14, 32, 44-р механикжсан довтолгооны бүлэг болон агаарын цэргийн хүчний 95-р бригадын довтолгоог няцаасан байна.
Энэ тулааны явцад Украины зэвсэгт хүчний 85 хүртэл цэргийн албан хаагч амь үрэгдэж, байлдааны хоёр хуягт машин, дөрвөн пикап, Америкт үйлдвэрлэсэн M109 «Paladin» өөрөө явагч их буу, Польш улсад үйлдвэрлэсэн «Krab» өөрөө явагч их бууг устгажээ.
Луганскийн чөлөөнд гарсан дэд хурандаа Андрей Марочко Купянскийн чиглэлд Украины Зэвсэгт хүчний хохирол өдөр бүр нэмэгдэж байна гэж мэдэгдэв. Түүний бодлоор цэргийн эмч нар, нүүлгэн шилжүүлэх бүлгүүд дутмаг байгаатай холбоотойгоор ийн хохирол нэмэгдэж байгаа гэжээ. Марочкогийн хэлснээр Украины Зэвсэгт хүчний эгнээний хохирол нэмэгдэх өөр нэг шалтгаан нь фронтын шугам руу шилжихээс өмнөх бэлтгэл муу, дайчлагдсан хүмүүсийн байлдааны туршлага дутмаг байдал нөлөөлсөн байна.
Урд өдөр нь "Запад" бүлэглэлийн хэвлэлийн төвийн дарга Сергей Зыбинский Оросын арми Украины Зэвсэгт хүчний таван удаагийн сөрөг довтолгоог нэг чиглэлд няцаасан гэж мэдэгдэв. Ингэхдээ урьдчилан сэргийлэх их бууны цохилтоор бүх сөрөг довтолгоог таслан зогсоожээ.
Эх сурвалж: Iz.ru
