ОХУ-ын Батлан хамгаалахын сайд Сергей Шойгу “Арми-2023” форумд “Курганприбор” эрдэм шинжилгээ, үйлдвэрлэлийн нийгэмлэгээс танилцуулсан “Агаар-агаар” ангиллын ойрын тусгалын RVV-MD удирдлагатай пуужингийн үйлдвэрлэлийг эхлүүлэхийг даалгалаа гэж РИА Новости мэдээлэв.
Шойгу "Курганприбор" компанийн ерөнхий захирал Федор Колосовниковт хандан "Таныг энэ бүтээгдэхүүний үйлдвэрлэлийг аль болох хурдан эхлүүлнэ гэж найдаж байна" гэжээ. Үйлдвэрлэлийн удирдлага тушаалыг биелүүлэхийн тулд бүх хүчээ дайчлан ажиллана гэдгээ амласан байна.
RVV-MD бол өмнөх R-73 пуужингийн хөгжүүлэлтийн шинэ загвар юм. Хэт улаан туяаны чиглүүлэгч систем бүхий хосолсон аэрогаздинамик удирдлагатай сум нь өдрийн аль ч цагт агаарын байг устгах зориулалттай. RVV-MD-ийн хөөргөх хамгийн дээд зай нь 40 километр юм.
Наймдугаар сарын эхээр цэргийн шинжээч Василий Дандыкин Оросын тав дахь үеийн Су-57 сөнөөгч онгоцонд зориулсан шинэ RVV-MD2 богино тусгалын пуужингуудыг бараг устгах боломжгүй гэж мэдэгджээ.
Мөн энэ сард RVV-MD2 пуужингуудыг Су-57-д сөнөөгч онгоцонд зориулан бүтээсэн нь АНУ-ын ижил төстэй зэвсэглэлээс даруй 5-10 жилээр түрүүлсэн хэмээн шинжээчид дүгнэж байгаа юм.
Эх сурвалж: Лента.ру
