Герман улс ямар ч газраас дуу чимээгүй хөөргөх боломжтой хамгийн сүүлийн үеийн "Luna NG" нисгэгчгүй агаарын тээврийн хэрэгслийг Украины Зэвсэгт хүчинд шилжүүлэх гэж байна. Нисгэгчгүй онгоцууд тагнуул хийж, цохилт өгөх боломжтой гэж "Bild" мэдээлэв.
Luna NG (Шинэ үе) нь Rheinmetall-ийн шинэ бүтээл бөгөөд бүх үндсэн үзүүлэлтээрээ өмнөх загвараас ихээхэн давуу юм. Эдгээр нисгэгчгүй онгоцууд нь тагнуулын ажиллагаа явуулахаас гадна LTE сүлжээ үүсгэж харилцаа холбоог таслан зогсоох, хөндлөнгийн оролцоо үүсгэх чадвартай.
Дронууд 40 кг жинтэй бөгөөд агаарт 8 цаг хүртэл байж, 100 км замыг туулж, 5 км хүртэл өндөрт гарах чадвартай. Хяналтын систем нь төгс автоматжсан тул үүнийг эзэмшихийн тулд урьд өмнөх үеийн дрон удирдах туршлага шаардлагагүй болно.
Одоогоор дрон нийлүүлэх гэрээний өртөгийг дурдаагүй бөгөөд 2019 онд Берлин ийм есөн системийг 130 сая еврогоор худалдаж авах гэж байв. Эхний төхөөрөмжүүдийг мөн онд Германы армид нийлүүлнэ гэж төлөвлөж байсан юм. Бундесвер мөн цохилт өгөх зориулалтын нисгэгчгүй онгоц авахаар төлөвлөж байна. Гэсэн хэдий ч Германы засгийн газар эхлээд Зэвсэгт хүчинд нисгэгчгүй онгоц ашиглах дүрмийг батлах ёстой байгаа юм.
"Rheinmetall" мөн гурван жилийн дотор хуягт тээврийн хэрэгслийн үйлдвэрлэлийг Украинд эхлүүлэхээр төлөвлөж байна. Үйлдвэрийг барихад 200 сая евро шаардагдах бөгөөд хүчин чадал нь жилд 400 машин байхаар тооцож байна.
Эх сурвалж: Мoscowtimes.ru
