Польш улс Беларусийн хилийн ойролцоо 10 мянга орчим цэргээ байршуулна гэж тус улсын Батлан хамгаалахын сайд Мариуш Блашчакийн мэдэгдлийг иш татан Financial Times мэдээлэв. "Вагнер" хөлснй арми цэргээ Беларусь руу шилжүүлж, хил дээр хууль бус цагаачдын тоо нэмэгдсэнтэй холбоотойгоор Варшав аюулгүй байдлын асуудалд санаа зовж байна гэж "FT" бичжээ.
Сайд Блашчакын хэлснээр, хилчдэд хэрэгтэй цагт дэмжлэг үзүүлэхээр 4000 цэрэг илгээж, өөр 6000 цэрэг нөөцөд үлдэнэ гэжээ. Үүний үр дүнд Беларусьтай хиллэдэг бүс дэх Польшийн цэргийн тоо 2021 оныхтой адил болно гэж тэр тэмдэглэв. Блашак цэрэг оруулах нөхцөлийг нэрлээгүй. Гэхдээ дараа нь Польшийн Батлан хамгаалах яам Беларусийн хилийн ойролцоо ажиллагаа явуулахгүй гэж тодотгосон гэжээ.
Польшийн Ерөнхий сайд Матеуш Моравецки "Вагнер" нь Польш, Литвийн эсрэг хорлон сүйтгэх ажиллагаа явуулж болзошгүй гэж мэдэгдэв. Беларусийн талаарх айдсыг Балтийн орнууд, тэр дундаа Литва зэрэг улсууд ч хуваалцаж байгаа бөгөөд хилийн харуулуудын тоог нэмэгдүүлж, Беларусьтай хилээ хаах талаар ярилцаж байна гэж "FT" бичжээ.
Эх сурвалж: Forbes.ru
