АНУ-ын Засгийн Газар гадаад дахь хөрөнгө оруулалтандаа хяналт тавих шийдвэр гаргаад буй билээ. Үүнтэй холбогдуулан Хятадын Худалдааны яамны хэвлэлийн төлөөлөгч өчигдөр буюу 8-р сарын 10-нд хариу мэдэгдэл хийн, "Америкчууд тухайн орныхоо гадаад дахь хөрөнгө оруулалтыг хязгаарлан, “эрсдэлийг арилгах” халхавч дор хөрөнгө оруулалтын салбарын үйл ажиллагааг тасалдуулах оролдлого хийж байна. Энэ нь Америкийн хэдэн зуун жил баримталсан зах зээлийн эдийн засаг, шударга өрсөлдөөний зарчмаас гажиж, компанийн хэвийн бизнесийн бодлогод нөлөөлж, олон улсын эдийн засаг худалдааны журмыг эвдэж, дэлхийн үйлдвэрлэл, нийлүүлэлтийн гинжин хэлхээний аюулгүй байдлыг алдагдуулж байгаа тул Хятадын тал анхаарал хандуулж, хариу арга хэмжээ авах болно.Зах зээлийн эдийн засгийн хууль, шударга өрсөлдөөний зарчим баримталж, дэлхийн эдийн засаг худалдааны харилцаа хамтын ажиллагаанд бодлогоор харшлахгүй, дэлхийн эдийн засгийн сэргэлт өсөлтөд саад тотгор учруулахгүй байхыг Америкт хүсэж байна" гэжээ.
