Азийн цагаан будааны жишиг үнэ тонн нь 648 ам.доллар байна.
Цагаан будааны үнэ сүүлийн 15 орчим жилийн дээд түвшинд хүрсэн нь буурай орнуудын төсөвт хүндээр нөлөөлж магадгүй боллоо.
Хэт хуурай уур амьсгал, Украинд үүссэн зөрчил зэргээс шалтгаалан хүнсний үнэ хэдийн дэлхий даяар өсөөд байсан юм. Таван хувийн бутралтай тайланд цагаан будааны үнэ буюу Азийн цагаан будааны жишиг үнэ тонн нь 648 ам.доллар болоод байна.
Тайландад цаг агаар илүү хуурайшиж байгаагаас гадна Энэтхэг дотоодын зах зээлээ хамгаалахаар цагаан будааны экспортын тодорхой хэсэгт хориг тавьсан нь үүнд нөлөөлжээ.
Ази, Африкийн зарим орны иргэдэд будаа нь нийт авах илчлэгийн 60 орчим хувийг бүрдүүлэгч гол хэсэг нь болдог бол Бангладеш зэрэг зарим улсад 70 хүртэлх хувийг бүрдүүлдэг байна.
Монголын хувьд энэ оны эхний долоон сард 26 мянган тонн цагаан будаа 16 сая ам.доллароор импортолжээ. Үүний 77 хувийг БНХАУ-аас, 13 хувийг Вьетнам улсаас авсан байна.
