Наймдугаар сарын 10-нд Баянгол дүүргийн нутаг дэвсгэрт тарваган тахлын сэжигтэй байж болзошгүй тохиолдол бүртгэгдсэн. Түүнчлэн тухайн мэдээллийн дагуу өвчтөнийг ХӨСҮТ-д тусгаарлаад байсан юм. Тэгвэл өчигдөр сэжигтэй тохиолдлын сорьцын шинжилгээний хариу гарсан бөгөөд молекул биологийн шинжилгээгээр /PCR/ үүсгэгчийн өвөрмөц ген тодорхойлогдоогүй тул онош үгүйсгэгджээ.
Энэ талаар ЗӨСҮТ-өөс тодруулахад "Тухайн иргэн Хэнтий аймгийн Баян-Адарга суманд байхдаа өнгөрсөн сарын 30-нд тарваганы мах идсэн. Наймдугаар сарын 9-нөөс бөөлжих, халуурах, суулгах, дотор муухайрах шинж тэмдэг илэрсэн тул эмнэлгийн байгууллагад дуудлага өгсөн байна. Шинжилгээний хариу өнгөрсөн шөнө гарсан" гэлээ.
Одоогийн байдлаар нийслэлд тарваган тахлын нэг тохиолдол батлагдаад буй.
