Монголын нууц товчоог брайл үсгээр буулгаж, хэвлүүлэхээр болжээ. Тодруулбал тус ажилд хамтрах тухай гэрээнд Чингис хааны өв соёлын хүрээлэн, Бодлогот баатар гүн сангийн төлөөллүүд өчигдөр гарын үсэг зурлаа.
Манай улсад нийт 12 мянган харааны бэрхшээлтэй иргэн бий. Тэдгээр иргэд зөвхөн хурууны мэдрэмждээ тулгуурлан ном, товхимлыг брайл үсэг ашиглан тэмтэрч унших боломжтой юм.
Монголын эзэнт гүрэн, Чингис хааны цадиг тэргүүтэй түүхийн эх сурвалжуудыг бусдын амаас сонсохоос баталгаат эх сурвалжаас өөрөө уншиж, мэдэх боломж хомс ажээ.
