Хүчтэй аадар борооны улмаас Баянзүрх дүүргийн 21, 27, 29-р хороонд уруйн үер бууж, дөрвөн хүн эндэж, олон хүн гэмтэж, айлын гэр байшин усанд автаад буй. Үерт өртсөн монгол гэрүүд налчийн унаж гэр доторх тавилга, эд зүйлс эвдэрч, лаг шаварт хутгалджээ.
Үерийн дараах гамшгийн нөхцөл байдлыг арилгахаар цэрэг, онцгой, цагдаа, эрүүл мэнд, мэргэжлийн байгууллагын алба хаагчид хоёр дахь өдрөө ажиллаж буй. Хэдийгээр хоёр дахь өдөртөө ажиллаж байгаа боловч иргэд гэр, хашаандаа тогтсон лаг шаврыг цэвэрлэж дуусаагүй байна.
