Өчигдөр орой орсон усархаг борооны БЗД-ийн 21 дүгээр хорооны үеэр буусан. Үүсээд буй нөхцөл байдалтай холбогдуулан Улсын онцгой комисс 11:00 цагт хуралдаан зарлав. УОК-ын хуралдаанаас гарсан шийдвэрийг танилцуулж байна.
УОК-ын дарга С.Амарсайхан: Үерийн асуудалд хэн нэгэн биеэ өмөөрч ярих ёсгүй. Үүнд хүний хүчин зүйлээс шалтгаалсан асуудлууд бий. Тухайлбал зам талбайгаа төлөвлөх, стандарт, дүрэм журмаа баримтлах, уялдаа холбоотой ажиллах зэрэг. Өнгөрсөн хугацаанд анхаарах ёстой асуудал байсан уу гэвэл байсан. Одоо ч бий. Гэхдээ нэн тэргүүнд иргэдийн амь насыг аврах, нэг ч гэсэн иргэн амь насаа алдахгүй байх тал дээр ОБЕГ ажиллаж байна. ОБЕГ бэлэн байдалтай байгаа учир зохих түвшинд урьдчилан сэргийлэх арга хэмжээг авч байна. Харамсалтай нь үер усны гамшиг хаана болохыг бид урьдчилж хянах, зогсоох боломж байхгүй.
Сэргээн засварлах боломжгүй болсон 13 айлыг эхний ээлжинд орон байртай болгоно. УОК бэлэн байдлын төлөвлөгөөгөө байнга өөрчилж байна. Гамшгийн улмаас орон байргүй үйлдсэн иргэдэд орон байр, хоол хүнсний тусламж үзүүлэх шаардлагатай арга хэмжээг авна.
Мэдээж алдаа оноо байхыг үгүйсгэхгүй. Гэхдээ төрийн бүх байгууллагын оролцоо байгаа. Хохирлын үнэлгээ хийгдээд явж байна. Өнгөрсөн сард болсон хохирлын үнэлгээг Нийслэлийн онцгой байдлын комисс хийж байгаа. Үнэлгээний дүгнэлт эхнээсээ гарах байх.
Үерийн аманд суурьшсан эрсдэлтэй нөхцөл байдалд буй айл өрхүүд, цаашид эрсдэлд орж болзошгүй айл өрхүүдийг мөн нүүлгэн шилжүүлнэ. Энэ асуудлаар өнөөдөр бид УОК дээр мэдээлэл сонсоно.
Үерийн далан сувгийн асуудал, замын ус дамжуулах хоолой, шугам зэрэгт алдаа дутагдал байгаа. Хот төлөвлөлттэй холбоотой, хотын шилжилт хөдөлгөөн эрс нэмэгдсэнтэй холбоотой. Улаанбаатар хотын хэмжээнд үерийн далан, сувгийг дахин шинэчлэн тогтоох үүрэг даалгаврыг Ерөнхий сайдын зүгээс өгсөн. Далан, сувгийн өргөтгөл шинэтгэл хийхдээ стандарт, дүрэм журмын дагуу хийнэ. Нийслэлийн хэмжээнд хичнээн хэмжээний далан, суваг шаардлагатай гэдгийг Сэлбийн дээд эхээс эхлээд зуслангийн бүс хүртэл, Гачуурт Улиастайн голын эх, Туул голын дагуу, Дунд гол, Сэлбэ голын эрэг зэрэг бүх байршилд шинэчлэн тогтооно.
