“Нүүрсний” гэх тодотголтой 11 хүнд холбогдох 142 хавтас хэргийг Чингэлтэй дүүргийн Эрүүгийн хэргийн анхан шатны шүүх өчигдөр хүлээн авчээ. Нийслэлийн прокурорын газраас уг хэрэгт яллах дүгнэлт үйлдэн шүүхэд шилжүүлсэн юм.
Үүний өмнө "Нүүрсний" гэх хэрэгт холбогдуулан 63 хүнд холбогдох найман хэргийг анхан шатны шүүх хүлээн авсан тухай ШЕЗ-өөс мэдээлсэн. Үүнээс 33 хүнд холбогдох таван хэргийг анхан шатны шүүхээр шийдвэрлэсэн бол давж заалдах шатны шүүхэд 10 хүнд холбогдох хоёр хэрэг хянан шийдвэрлэх ажиллагаанд явж буй.
