Туркийн эрх баригчид ISIS-ийн удирдагчийг энэ байшинд устгасан гэж мэдэгджээ
Жихадист "Лалын улс" бүлэглэл өөрийн удирдагч Абу Аль-Хусейни Аль-Курайши нас барсныг зарлав. Тэрээр 2022 оны арваннэгдүгээр сараас хойш тус бүлэглэлийг удирдаж байгаа юм.
Үүнтэй зэрэгцэн жихадистуудтай холбоотой телеграм суваг дээр Абу Хафс Аль-Хашими Аль-Курайши бүлэглэлийн шинэ удирдагчаар томилогдсон тухай аудио бичлэг нийтлэгдсэн байна.
Гэхдээ энэ бичлэг хэзээ хийгдсэн нь тодорхойгүй байна. Энэ талаар Исламын бүлэглэлийн албан тушаалтан Курайши Сирийн баруун хойд хэсэгт өөр бүлэглэлийнхэнтэй болсон мөргөлдөөний үеэр амь үрэгдсэн гэж мэдэгджээ.
ISIS-ын өмнөх удирдагч Абу аль-Хасан 2022 оны намар Сирид амь үрэгдсэн бөгөөд өнгөрсөн хоёрдугаар сард Америкийн тусгай хүчнийхэнд алагдсан Абу Ибрахим аль-Хашемийн оронд тус бүлэглэлийн толгойлогчоор хэдэн сар ажилласан юм.
Энэ оны дөрөвдүгээр сард Туркийн Ерөнхийлөгч Режеп Тайип Эрдоган Туркийн тагнуулынхан Сири дэх “Лалын улс” бүлэглэлийн толгойлогчийг мөрдөж, устгасан гэж мэдэгдсэн ч энэ мэдээллийг хараат бусаар нотлоогүй байна. Эрдоган өөрөө ч тодорхой мэдээлэл өгөөгүй байна.
Туркийн мэдээллийн Анадолу агентлаг дараа нь Курайшийн амь үрэгдсэн байшинг харуулсан гэрэл зураг, видео бичлэгийг нийтэлжээ.
Сирийн хойд хэсэгт, Турктэй хиллэдэг Жандарис хотын ойролцоо ажиллагаа явуулсан гэж Сирийн эх сурвалж мэдээлэв. Харин АНУ эдгээр бүх мэдээллийг батлах боломжгүй гэж мэдэгдэв.
Эх сурвалж: ВВС
