Цахим орчинд нэгэн иргэн "БНХАУ-ын иргэн мэс барьчихаад "Миний жонш. Би 70 хувийн эзэн нь гэж саагиж, хүн амьтан сүрдүүлсэн байна" хэмээн хутгатай БНХАУ-ын иргэний бичлэгийг нийтэлжээ.
Энэ талаар ЦЕГ-ын Хэвлэл мэдээллийн төвөөс тодруулахад "Энэ мэдээллийг Эрүүгийн цагдаагийн албанд шалгаж байгаа. Хутга барьж танхайрсан гэгдэж буй БНХАУ-ын иргэн Ву Жи Хун гэгч нь тухайн бичлэг цацагдсаны дараа Эрүүгийн цагдаагийн газарт хандаж "Өөрийнх нь хувьцаа эзэмшдэг жоншны уурхайтай холбоотой асуудал үүссэн" хэмээн гомдол гаргасан. Харин хутга барьсан асуудлыг мөн хэрэгт холбогдуулан шалгана" гэлээ" гэх мэдээллийг өглөө.
