Нийслэл орчмын шалган нэвтрүүлэх товчоодын төлбөр, хураамж авах явцыг түргэн шуурхай болгох үүднээс цахимжуулаад буй. Түүнчлэн хувийн машины хувьд e-barimt дээр мэдээлэл нь ирээд төлдөг. Тэгвэл байгууллагын машин товчоодоор орж гарсан төлбөрөө төлөхдөө ezam.mn сайтаар нэвтэрч, тээврийн хэрэгслийнхээ дугаарыг оруулан, байгууллага гэсэн сонголтоор байгууллагынхаа регистрийг хийн нэхэмжлэл авах боломжтой юм. Тухайн аж ахуйн нэгж товчооны цаана үйлдвэр нь байдаг, үйл ажиллагаа явуулдаг гэх мэт шалтгаанаас үүдэж хүсэлт өгөн цагаан жагсаалтад орсон автомашинууд байдаг бөгөөд уг жагсаалтад орсон автомашин дээр төлбөрийн нэхэмжлэл үүсдэггүй аж.
