Японы хүн амын тоо сүүлийн нэг жилд 800 гаруй мянгаар буурсан нь Зүүн Азийн бусад орнуудтай ижил төстэй үзүүлэлттэй байна.
Японы дотоод хэргийн яамнаас Лхагва гарагт нийтэлсэн тоо баримтаас үзвэл, энэ оны нэгдүгээр сарын 1-ний байдлаар, Японы нийт хүн ам Япон болон гадаадын иргэдийг оролцуулаад 125.4 саяд хүрсэн байна. Гадаадын оршин суугчдын тоо өмнөх онтой харьцуулахад 289,500-аар нэмэгдсэн нь 10 гаруй хувиар нэмэгджээ. Гэвч Японы оршин суугчдын тоо 800,523 хүнээр цөөрсөн нь 2009 онд дээд цэгтээ хүрсэн цагаасаа хойш 14 дэх жилдээ дараалан буурсан үзүүлэлт болж байгаа аж.
Мөн тус улсын бүх мужид анх удаа хүн амын тоо буурч байгааг тус яамны хэвлэлийн төлөөлөгч CNN агентлагт ярьжээ. Гэсэн хэдий ч гадаадын оршин суугчдын өсөлтөөс шалтгаалан нийслэл Токиогийн оршин суугчийн тоо бага хэмжээгээр өссөн үзүүлэлттэй байгаа юм.
Өнгөрсөн онд нас барсан хүмүүсийн тоо бас нэгэн түүхэн үзүүлэлт болов. 1.56 сая хүн нас барсан нь төрөлтөөс хоёр дахин их байгаа юм. Шинээр мэндэлсэн хүүхдийн тоо 771,801 байгаа аж.
Японд нас баралт арав гаруй жилийн турш төрөлтөөс давж байна.
