Хан Хэнтийн 100 жилийн ойн наадмын их насны морьдын уралдаан маргаантай болсон. Учир нь Хөвсгөл аймгийн уяач Б.Отгонсэлэнгийн хээр морь түрүүлсэн. Гэвч хурдан морины салбар хороо түрүү хээр морийг хасч, дараагийн морийг барьсан юм.
Тэгвэл наадамчин олныг талцуулсан уг тохиолдолд Хэнтий аймгийн Хурдан морины салбар хороо мэдэгдэл гаргасан нь энэ.
Тодруулбал, Б.Отгонсэлэнгийн хээр сэрвээний өндрөөр хасагдсан морьдын хамт хашаанд байхад нь цагдаагийн нэр бүхий албан тушаалтан хүч түрэн орж, гаргаж уралдуулсан. Тиймээс хасагдсан морийг гаргаж уралдаанд оролцуулахад гар бие оролцсон хүмүүсийг хууль хяналтын байгууллагад шалгуулна гэв.
