Японы Засгийн газраас ОХУ руу хөдөлгүүрийн эзлэхүүн 1.9 литрээс дээш хэмжээтэй болон цахилгаан, бензин хосолмол хөдөлгүүртэй автомашиныг экспортлохыг хориглохоор болсон тухай Японы Эдийн засгийн сайд Нишимура Ясутоши хэвлэлийнхэнд өчигдөр танилцуулжээ. Хориг ирэх сарын 9-ний өдрөөс хүчин төгөлдөр үйлчилж эхлэх юм байна.
Мөн ОХУ руу ачааны машины дугуй экспортлохыг хориглосон байна.
Японы Эдийн засгийн яамны вэб сайтад нийтлэгдсэн шинэ хоригийн жагсаалтад 750 зүйл багтсан байна. Жагсаалтад керамик, цаас, шил, керамик хавтан, асфальт, цементээр хийсэн хэд хэдэн бүтээгдэхүүн багтжээ. Үүнээс гадна жагсаалтад хуучин хувцас, нэхмэл эдлэл, ноос, хөвөн, будаг, гэрэл зураг, видео бичлэг хийх материалын нэр төрлийг нэмсэн байна
Эх сурвалж: ТАСС.ru
