Грета Гервигийн "Барби" кино өнгөрөгч долоо хоногийн амралтын өдөр АНУ болон Канадаас 162 сая ам.долларын орлого олсон нь эмэгтэй найруулагчдын уран бүтээлийн түүхэн дэх хамгийн том амжилт болсон юм.
Барби АНУ болон Канадад нээлтээ хийсэн амралтын өдрөөрөө 162 сая ам.долларын орлого олсон байна. Энэ нь эмэгтэй найруулагч дебютээ хийсэн бусад дээд амжилтыг гүйцэв: “Captain marvel” (2019) -Найруулагч Анна Боден, Райан Флек (ашиг орлого: 153 сая ам.доллар) “Wonder woman” (2017) -Найруулагч Пэтти Женкинс (ашиг орлого: 103 сая ам.доллар) -Үзэгчдийн 65%-ийг эмэгтэйчүүд эзэлсэн байна.
Анх 100 гаруй сая ам.долларын орлого олоход үзэгчдийн дийлэнх хувийг эрчүүд эзэлж байсан гэдэг. Түүнчлэн үзэгчдийн 40% нь 25-аас доош насныхан байжээ. Дэлхий даяар: Барби 337 сая ам.доллар, Оппенхаймер 174 сая ам.долларын орлого олсон байна.
Тэгвэл Барби киноны эмэгтэй гол дүрийн жүжигчин Маргот Роббигийн талаарх сонирхолтой баримтыг хүргэж байна.
-Робби 2019 онд BuzzFeed-д өгсөн ярилцлагадаа багадаа зочид буудлын эзэн эсвэл илбэчин болохыг хүсдэг байснаа хуваалцжээ. Мөн "Харри Поттер"-ын фэн "Би, Тоня" киноны зохиолыг унших хүртлээ алдарт уран гулгагч Тоня Хардингийн тухай хэзээ ч сонсож байгаагүй" хэмээжээ.
Робби 2018 онд Крэйг Гиллеспигийн намтар киноны Хардингийн дүрээр Оскарт нэр дэвшсэн. Bunny нэртэй чихмэл туулайтайгаа унтдаг гэнэ. 2021 оны 6-р сард "The Late Late Late Show With James Corden" нэвтрүүлэгт оролцох үеэрээ нөхөр нь Банни-д нь тийм ч дуртай биш гэдгийг онцолж, намайг Баннитай унтдаг нь инээдтэй зүйл гэж боддог учраас үргэлж Банниг маань орноос шиддэг" гэж хэлжээ.
Түүнчлэн Жимми Киммелд урагдсан чихмэл нь түүний "хамгийн үнэ цэнэтэй зүйл" гэж хэлсэн удаатай.
