Нигерийн Кацина мужид амьдардаг Аман гэх эр 14 настай эхнэрийг нь төрөх үед эрэгтэй эмч тусламж, үйлчилгээ үзүүлсэн гэх шалтгаанаар эхнэрээсээ салсан гэнэ. Эмэгтэйчүүд, охидын эрх хамгаалах “Нана” байгууллагын гүйцэтгэх захирал Фатима Адаму эмч өчигдөр олон нийтэд хандаж Эрүүл мэндийн салбарын хүний нөөцийн хүрэлцээ, сонгон шалгаруулалт, хөдөө орон нутагт ажиллаж буй байдлын талаар тавьсан илтгэлдээ энэ тухай дурджээ. Тэрээр “ Өсвөр насны ээжийн төрөлт хүндрэлтэй байсан учраас эмнэлэгт хүргэгдсэн. Түүнд яаралтай тусламж үзүүлэх эмэгтэй эмч байгаагүй учраас эрэгтэй эмч амь насыг нь аварсан юм. Гэтэл энэ нь гэрлэлт цуцлах шалтгаан болсон байна. Нөхөр нь эхнэр нь амаржих үед эрэгтэй эмч тусламж үзүүлсэн гэдгийг сонсоод эмнэлэгт яаран очиж өөрийн нүдээр харсан гэнэ. Тэгээд сэтгэл дундуур буцаж, удалгүй салсан байна” гэв.Тиймээс хөдөө орон нутагт эрүүл мэндийн ажилтнуудыг хуваарилж ажиллуулахдаа хүйсийн тэгш байдалд анхаарахыг уриалжээ.
Тус улсын эрүүл мэндийн салбарт хувьсгал хийх зорилгоор зохион байгуулсан уг арга хэмжээнд оролцогч талууд эрүүл мэндийн байгууллагуудад хариуцлагатай, болгоомжтой хандахыг уриалав.
