Их Британийн томоохон хэвлэл болох "Financial Times"-д Монгол Улсын Ерөнхий сайд Л.Оюун-Эрдэнийн өгсөн ярилцлагаас иш татан бэлтгэсэн мэдээллийг хүргэж байна.
Харвардын их сургуульд боловсрол эзэмшсэн, реформист үзэлтэй Монгол Улсын Ерөнхий сайд Лувсаннамсрайн Оюун-Эрдэнэ барууны уул уурхайн компаниудыг дэлхийн уур амьсгалын өөрчлөлттэй тэмцэхэд чухал ач холбогдолтой зэс, уран болон бусад чухал ашигт малтмалын асар их ордыг нь ашиглаасай хэмээн хүсч байгаагаа илэрхийлэв.
"Монгол Улс газарзүйн болон геополитикийн хувьд хүнд нөхцөлд байдаг учраас ардчиллаа хамгаалахыг хичээсээр байна" гэж "Financial Times"-д өгсөн ярилцлагадаа Оюун-Эрдэнэ дурдав. Мөн тэрбээр гадаадын хөрөнгө оруулагчдыг өөрсдөд нь "анхаарал хандуулж", улс орных нь тулгамдсан асуудлыг ойлгохыг уриалав.
Хөрөнгө оруулагчдыг татахын тулд тэрээр ярвигтай бодлого, нэвт автагдсан авлигын өдрүүд ард өнгөрсөн гэдгийг ойлгуулах ёстой. Мөн тэрээр уул уурхай нь тус улсын нүүдэлчдийн уламжлалтай зөрчилдөж буй болгоомжлол, байгаль орчны мэргэжилтнүүдийн хатуу шүүмжлэлтэй тэмцэх хэрэгтэй болов уу.
Оюун-Эрдэнэ барууны уул уурхайн салбарт эх орноо найдвартай хөрөнгө оруулалтын газар болгон танилцуулах, үндсэн хууль, шүүхийн шинэчлэл, хууль бус хулгайн гэмт хэрэгтэй тэмцэх, баялгийн салбарыг зохицуулах бодлого, зохицуулалтыг шинэчлэхийн тулд авилга хээл хахуульчдыг цэвэрлэх ажлыг шуурхай зохион байгуулжээ. "Одоогийн байдлаар бидний гол зорилго бол ил тод байдлыг сайжруулах явдал юм" гэж тэр хэлэв. Үүний дараа бид гадаадаас оруулах хөрөнгө оруулалт, аль улстай хамтран ажиллах талаар ярилцаж болно” гэв. Ташрамд дурдахад Ерөнхий сайд Л.Оюун-Эрдэнэ бол ийм алсын хараатай Монголын анхны удирдагч биш юм. Асуулт нь: Тэр үүнийг ойлгож, ухамсарлаж, хэрэгжүүлж чадах уу?
