Америкийн жүжигчин Дуэйн Рок Жонсон Холливудын жүжигчдийн ажил хаялтыг дэмжиж хамгийн их хэмжээний хандив өргөсөн байна. Энэ тухай АНУ-ын Дэлгэцийн жүжигчдийн Гильдийн сангийн тэргүүн Кортни Б.Вэнс мэдэгджээ.
Жонсоны хандивын хэмжээг тодорхой зарлаагүй ч энэ нь долоон оронтой тоогоор илэрхийлэгдэж байгаа бөгөөд ажил хаялтад оролцож буй 10,000 хүнд туслах болно гэлгийг Вэнс онцолжээ.
“Энэ бол нэг хүнээс бидний авч байсан хамгийн том хандив юм. Гайхалтай нь нэг чек олон мянган жүжигчдийг ширээн дээр хооллож, хүүхдүүдээ аюулгүй байлгаж, машинаа ажил үүэг гүйцэтгэхэд бэлэн байлгахад тусална” гэж АНУ-ын Дэлгэцийн жүжигчдийн Гильдийн сангийн тэргүүн хэлэв.
Тэрээр Гильдийн 160,000 гишүүнээс 2,700 уран бүтээлчид тусламж хүссэн ч Жонсон илүү их хэмжээний хандив өргөсөн гэж нэмж хэлэв.
Долдугаар сарын 13-нд АНУ-ын дэлгэцийн жүжигчдийн эвлэл ажил хаялт эхэлснээ зарласан юм. Түүнчлэн Холливудын зохиолчдын ажил хаялт тавдугаар сарын эхээр гарч байв. Жүжигчид, зохиолчид 1960 оноос хойш анх удаа нэгэн зэрэг ажил хаяж байгаа нь энэ юм.
АНУ-ын Дэлгэцийн жүжигчдийн эвлэл ажил хаяхаас өмнө томоохон кино студиуд Холливудын жүжигчдэд тэрбум гаруй долларын нөхөн төлбөр, нэмэлт тэтгэмж санал болгосон гэх мэдээлэл гарч байсан юм.
Эх сурвалж:Лента.ру
