Долдугаар сарын эхээр Монголын нийслэл Улаанбаатар хотын томоохон хэсгийг хамарсан үерийн гамшигт нэрвэгдсэн айл өрхүүдэд яаралтай хүмүүнлэгийн тусламж үзүүлэх зорилгоор Европын холбооноос 50,000 еврогийн (188 сая төгрөг) тусламж үзүүлж байна. Гамшигт хамгийн их өртсөн 11 мянга гаруй хүнд тусламж үзүүлнэ.
ЕХ-ны энэхүү санхүүжилт нь үерийн өндөр эрсдэлтэй бүс нутагт амьдарч буй айл өрхүүдийг яаралтай нүүлгэн шилжүүлэхэд дэмжлэг үзүүлэх юм. Мөн түр нүүлгэн шилжүүлсэн хүмүүст хөнжил, гудас зэрэг хамгаалах байрны эд зүйлсийг тараана. Түүнчлэн Монголын УЗН-ийн ажилтнууд үер усны аюулаас урьдчилан сэргийлэх, бэлэн байдлын талаар мэдээлэл өгч, ард иргэдийг онцгой байдлын үед илүү сайн бэлтгэхэд туслах болно.
Европын холбоо нь Европын иргэний хамгаалалт, хүмүүнлэгийн тусламжийн үйл ажиллагаагаар дамжуулан жил бүр мөргөлдөөн, байгалийн гамшигт нэрвэгдсэн 120 сая гаруй хүнд тусалдаг.
Европын Комисс Олон улсын Улаан загалмай, Улаан хавирган сар нийгэмлэгүүдийн холбоотой 3 сая еврогийн хүмүүнлэгийн хандивын гэрээнд гарын үсэг зурж, Гамшгийн үед туслах санд дэмжлэг үзүүлжээ. Энэ сангийн санхүүжилтийг олон улсын албан ёсны эргэлтэд хүргэлгүйгээр "жижиг хэмжээний" гамшигт голчлон хуваарилдаг.
Эх сурвалж:Сentralasia.media
