7-р сарын 24-нд Москва, Крымд нисгэгчгүй нисэх онгоц халдлага үйлдсэний хариуд хатуу арга хэмжээ авах эрх нь ОХУ-д хадгалагдаж байгаа. Энэ тухай тус яамны албан ёсны цахим хуудсанд нийтэлсэн ОХУ-ын ГХЯ-ны мэдэгдэлд дурджээ.
“Болсон явдлыг Украины цэрэг-улс төрийн удирдлага ээлжит алан хядах арга хэрэглэж, энгийн иргэдийг айлган сүрдүүлсэн явдал гэж бид үзэж байна. Эдгээр халдлага нь цэргийн ямар ч утга учиргүй байсан "гэж Оросын дипломат хэлтсээс тэмдэглэв.
Энэхүү "Украины неонацистуудын увайгүй үйлдлүүдийн" ард Украины мөргөлдөөнийг улам хурцатгахад барууны орнууд анхаарал хандуулж байгааг мэдэгдэлд онцолжээ. ОХУ-ын ГХЯ олон улсын байгууллагуудыг энэ үйл явдалд зөв үнэлэлт дүгнэлт өгөхийг уриалав.
Болсон явдлыг сануулахад, даваа гарагийн өглөөний дөрвөн цагийн орчимд хоёр нисгэгчгүй онгоц Москва руу дайрчээ. Комсомольскийн өргөн чөлөөнөөс нэг нисгэгчгүй онгоцны сэгийг олжээ. Харин хоёр дахь нисгэгчгүй онгоц Лихачевын өргөн чөлөөнд байрлах бизнесийн төвийн барилгыг мөргөж байжээ. Тодотгоход, энэхүү төвийн барилга нь ОХУ-ын БХЯ-наас холгүй байрладаг аж.
Болсон явдлын дараа нь ОХУ-ын Батлан хамгаалах яам нисгэгчгүй онгоцыг ноцтой хохирол учруулаагүй гэж тайлбарлав. Москва хотын дарга Сергей Собянин энэ үйл явдлын улмаас хэн ч бэртэж гэмтээгүй гэж онцлон тэмдэглэсэн юм.
Эх сурвалж: Лента.ру
