- ОХУ-ын Украины Хар тэнгис дэх боомтууд руу хийсэн дайралтад Киевээс хариу арга хэмжээ авна гэв
- Дронууд Оросын Батлан хамгаалах яамны байрны ойролцоо цохилт өгчээ
- ОХУ-аас Украины 11 дроныг унагаад байгаа аж
Украины даваа гарагт хийсэн агаарын довтолгоонд Москва хотын барилгууд болон Крым дэх зэвсгийн агуулах өртсөн тухай ОХУ-аас мэдээлжээ.
Украины дронууд Оросын Батлан хамгаалах яамны байрны ойролцоо болон Москва хотын өмнөд хэсэгт цохилт өгсөн байна. Москва хотын дарга Сергей Собянин Телеграм хуудсандаа “Ноцтой хохирол болон шархадсан иргэд байхгүй” хэмээн мэдэгдэв.
Киевээс ОХУ-ын Украины Хар тэнгис дэх боомтууд руу хийсэн дайралтад хариу арга хэмжээ авна гэж мэдэгдсэний дараа ийнхүү агаарын довтолгоог хийж байна. Украины Батлан хамгаалах яамнаас AFP агентлагт тус агаарын довтолгоо нь Киевийн армиас явуулж буй “тусгай ажиллагаа” хэмээн мэдээлжээ.
ОХУ-аас Украины 11 дроныг унагаад байгаа аж. Крым дэх зэвсгийн агуулах нь шууд дайралт өртсөн эсвэл дэлбэрсэн дроны хэлтэрхийд оногдсон эсэх нь тодорхойгүй байна. Крымийн захирагч Сергей Аксёнов “Аюулгүй байдлын үүднээс төмөр замыг түр хаасан” гэв.
Эх сурвалж: The Moscow Times
