Цагдаагийн байгууллагад 2023 оны долдугаар сарын 23-ны 07.40 цагт Дорнод аймгийн Халхгол сумын нутагт “Петрочайна Дачин тамсаг” ХХК-ийн туслан гүйцэтгэгч “Ви Эс Эм” ХХК-ий туслах ажилтан О нь нас барсан дуудлага, мэдээлэл иржээ.
Дуудлагын дагуу Дорнод аймгийн Цагдаагийн газар шалгаж байна. Урьдчилсан байдлаар ажилчдын кемп дээр утасны сүлжээгүй тул зарим ажилчид газрын тосны “Донки” байрлах газарт очиж утсаар ярьдаг гэх ба амь хохирогч нь газрын тос олборлох “Донки” гэх төхөөрөмжинд хавчуулагдаж, амь хохирсон нөхцөл байдал тогтоогдож, мөрдөн шалгаж ажиллагааг үргэлжлүүлж байна.
