Энэ зургийг 7-р сарын 19-ний Лхагва гарагт Крым дахь Оросын цэргийн сургуулилт баазад гал гарч байх үед авсан байна
ОХУ-ын өөртөө хавс аргасан Крым дахь зэвсгийн агуулахад дэлбэрэлт болсон тухай анхны мэдээлэл орон нутгийн цагаар үд дундын орчимд гарчээ.
Энэ дэлбэрэлт нь нисгэгчгүй онгоцны цохилтоос болсон байна.
Удалгүй хойгийн засаг захиргааны тэргүүн Сергей Аксенов хэлэхдээ, урьдчилсан мэдээллээр дэлбэрэлтийн улмаас хохирол учраагүй гэв.
Гэсэн хэдий ч тухайн үед хэргийн газрын дүрс бичлэг олон нийтийн сүлжээгээр аль хэдийн нийтлэгдэж, их хэмжээний утаа гарч, дэлбэрэлтийн чимээ сонсогдож буй тодорхой болсон. Энэ агуулахад байсан сум хэрэглэл галд дэлбэрсэн байж магадгүй юм.
Аксенов агуулахаас таван километрийн радиуст байгаа хүн амыг нүүлгэн шилжүүлэх, түүнчлэн Крымын төмөр замд галт тэрэгний хөдөлгөөнийг зогсоохыг тушаажээ.
Мөн Крымын гүүрэн дээрх тээврийн хэрэгслийн хөдөлгөөнийг хаав. Ингэснээр гүүрийн хөдөлгөөнийг нэг өдрийн дотор хоёр дахь удаагаа хааж байгаа нь энэ юм.
Орой нь Украины армийн төлөөлөгчид Крымийн зэвсгийн агуулахад болсон дэлбэрэлтэд оролцсон гэдгээ AFP мэдээллийн агентлагт мэдэгдэв.
Украины Зэвсэгт хүчний командлалын нэрээ нууцалсан эх сурвалжаас иш татан “Крымын түр эзэлсэн нутаг дэвсгэр дэх цэргийн байгууламжууд руу хийсэн халдлагыг Украины арми үйлдсэн” гэж мэдэгджээ.
Эх сурвалж: ВВС
