Хөвсгөл аймгийн Алаг-Эрдэнэ суманд “Сарлагийн наадам-2023” амжилттай болж өндөрлөөд байна.
Тус наадмын нэгэн сонирхолтой хэсэг нь “Сарлаг булгиулах” тэмцээн байдаг. Эр зориг, тэвчээр, овсгоо самбаа, туршлага шаарддаг “Сарлаг булгиулах” тэмцээнд энэ жил 52 залуу өрсөлдсөн бөгөөд эмнэг сарлагийн нуруун дээр 38 сeкунд тогтсон Хөвсгөл аймгийн Алаг-Эрдэнэ сумын малчин Н.Мөнх-Эрдэнэ тэргүүн байр эзэллээ.
Хөвсгөл аймгийн Алаг-Эрдэнэ сумын малчин Д.Мягмар эмнэг сарлагийн нуруун дээр 21 сeкунд тогтож хоёрдугаар байр эзэлсэн бол, мөн сумын малчин Ц.Өсөхбаяр 18 сeкунд тогтож гуравдугаар байр эзэллээ.
“Сарлаг булгиулах” тэмцээнд оролцсон залуусын ес нь 5-аас дээш сeкунд тогтсон амжилт үзүүлжээ.
Үзэгчдийн аюулгүй байдлыг хангах үүднээс 400 бодын багтаамжтай хашаанд сарлагийн сүргийг хашсан гэж зохион байгуулагчид ярьж байлаа.
