Австрали улс Оросын 35 байгууллага, 10 иргэний эсрэг шинэ хориг арга хэмжээ авсан тухай тус улсын Гадаад хэргийн яамнаас мэдээллээ.
Хориг арга хэмжээнд, ялангуяа ОХУ-ын Ерөнхий сайдын нэгдүгээр орлогч Андрей Белоусов, Шадар сайд Дмитрий Чернышенко болон цөмийн эрчим хүч, Арктикийн нөөцийг олборлох чиглэлээр зэвсэгт хүчинд дэвшилтэт технологи, электроник, тоног төхөөрөмж нийлүүлдэг аж ахуйн нэгжүүдээс бүрдсэн аж.
Түүнчлэн цэргийн нисдэг тэрэг үйлдвэрлэдэг “Оросын нисдэг тэрэг” компани болон түүний гүйцэтгэх захирал Николай Колесовын эсрэг хориг арга хэмжээ авчээ.
Хориг арга хэмжээний жагсаалтад Беларусийн цэргийн өндөр албан тушаалтнууд ч багтсан байна.
Австралийн Гадаад хэргийн сайд Пенни Вонг мэдэгдэлдээ “Өнөөдрийн хориг арга хэмжээ нь Орос болон түүнийг дэмжиж буй хүмүүст үзүүлэх дарамт шахалтаа үргэлжлүүлэх талаар түншүүдтэйгээ хамтран ажиллах Австралийн амлалтыг нотолж байна" гэжээ
Эх сурвалж: ВВС
