Тэрбумтан Илон Маск "Мета"-гийн үүсгэн байгуулагч Марк Зукербергийг тулаанд дуудаад байгаа. Тулаан болох нь тодорхой байгаа ч хугацааг товлоогүй байна. Гэхдээ бэлтгэл хэдийнэ эхэлсэн гэдгийг мэдээллийн хэрэгслүүд онцолж байгаа юм.
Хоёр тэрбумтан холимог тулааны мэргэжлийн хүмүүсээс удахгүй болох тулаанд бэлтгэх, дасгалжуулах саналыг хүлээж аваад байна.
Тухайлбал, ММА-ийн тулаанч Жон Жонс Марк Зукербергт өөрийн үйлчилгээгээ санал болгож, "Чи намайг Зукербергийн багт байгаа гэдгийг мэдэж байгаа... Танд сургалтын хамтрагч хэрэгтэй бол надад мэдэгдээрэй" гэж дараах жиргээг нийтэлжээ.
Үүний зэрэгцээ "SpeceX"-ийг үүсгэн байгуулагч, Твиттерийн эзэн Илон Маск мөн ийм саналыг хүлээж аваад байна. Тэрбээр холимог тулааны домогт зүтгэлтэн, UFC-ийн гурван удаагийн аварга Жорж Сент-Пьертэй бэлтгэл хийх саналыг шуурхай хүлээн авчээ.
"Би чиний шүтэн бишрэгч бөгөөд Зукербергтэй хийх тулааны өмнө танд тусалж, бэлтгэлийн хамтрагч байх нь миний нэр төрийн хэрэг байх болно" гэж Сент-Пьер бичжээ. Маск тэр даруйдаа "За, хийцгээе" гэж түүний саналд хариулжээ.
Эх сурвалж: Tos.media
