- Жорж Флойдын төлөөх бослогын үеэр баривчлагдсан 1300 гаруй иргэнд нөхөн төлбөр олгоно
- Хүн тус бүрд 9950 ам.долларын төлбөр олгож байгаа нь хамгийн өндөр дүнтэй нөхөн төлбөр гэв
- Флойдын аминд хүрсэн цагдаад 22 жилийн хорих ял оноож байв
Нью-Йорк мужийн захиргаанаас Жорж Флойдын төлөө тэмцсэн бослогын үеэр цагдаа нарт баривчлагдсан иргэдэд 13 сая ам.долларын нөхөн төлбөр олгохоор болжээ.
Тодруулбал, 2020 онд АНУ-ын Миннеаполис хотод Африк-Америк гаралтай Жорж Флойд цагдаагийн гарт амиа алдсан хэрэг гарсан. Түүний шударга бус үхлийн араас олон иргэн гашуудаж, тэмцэл зарласан юм. Флойдын аминд хүрсэн цагдаад 22 жилийн хорих ял оноосон юм.
Нью-Йорк хотын захиргаанаас тухайн үед баривчлагдаж байсан 1300 гаруй иргэн тус бүрд 9950 ам.долларын нөхөн төлбөр олгохоо мэдэгдлээ. Харин бослогын үеэр барилга байгууламж сүйтгэсэн, гал тавьсан зэрэг хэрэг үйлдсэн хүмүүст тус нөхөн төлбөрийг олгохгүй аж.
Хуульчдын зүгээс дээрх нөхөн олговор нь бослого гаргасан бүлэг хүмүүст олгож буй хамгийн өндөр дүнтэй нөхөн төлбөр гэдгийг онцлов.
Эх сурвалж: Ройтерс
