ОХУ-ын Ерөнхийлөгч Владимир Путин Хар тэнгисийн асуудлаарх Оросын шаардлагыг биелүүлээгүй ч үр тарианы гэрээг сунгахыг зөвшөөрчээ. Энэ тухай Туркийн удирдагч Режеп Тайип Эрдоган мэдэгдсэнийг Франс Пресс уламжлав.
Өмнө нь Кремлийн хэвлэлийн төлөөлөгч Дмитрий Песков хэлэхдээ, Москва хэлэлцээр дуусах хүртэлх хугацаанд цаашид авах арга хэмжээгээ боловсруулж байна гэсэн юм. Путины тэмдэглэснээр, хэлэлцээрийн хүрээнд оросын тавьж буй шаардлага биелсэн тохиолдолд л үр тарианы гэрээг сунгах ёстой байв.
7-р сарын 12-нд Эрдоган үр тарианы гэрээг сунгах, Азовын бригадын (ОХУ-д хориглосон террорист байгууллага) экс командлагчдыг Украинд шилжүүлэн өгөх асуудлыг Путинтэй хэлэлцэнэ гэж мэдэгдсэн. Түүний хэлснээр, 8-р сард Оросын тэргүүн Туркт айлчлах бөгөөд талууд эдгээр асуудлыг бие биетэйгээ ярилцах боломжтой болно гэж тооцож байна..
