Үргэлжлэн орсон борооны улмаас өнөөдрийн байдлаар голуудын усны түвшин өмнөх өдрөөсөө 10-163 см-ээр эрс нэмэгдэж аюултай түвшинд байгаа тул үер усны аюулаас сэрэмжтэй байхыг анхааруулж байна. Тодруулбал, Хангай нурууны зүүн хойт хажуугаас эхтэй Орхон гол Бат-өлшзий сум орчим усны түвшин аюултай түвшин 33 см давж үерлэж байгаа бол Хархорин сумын орчим усны түвшин аюултай түвшинээс 175 см давж үерлэж байна. Мөн Хангай нурууны өврөөс эхтэй Онги гол Уянга сумын орчим усны түвшин аюултай түвшинээс 11 см давж үерлэж байгаа бол Онги гол Арвайхээр сумын орчим усны түвшин аюултай түвшинээс 15 см давж үерлэж байгаа юм. Түүнчлэн Хангай нурууны өвөр хажуугаас усжих Таац гол Нарийнтээл сумын орчим усны түвшин үерийн түвшинг 17 см давж үерлэж буй.
Сангийн далай нуураас эхтэй Зэгстэй гол Өлзийт сум орчим усны түвшин аюултай түвшинд хүрсэн бол Хөгшин-Орхон гол Хархорин сумын орчим усны түвшин аюултай түвшинээс 31 см давж үерлэжээ. 40Shares
Share
Tweet
Share
Share
