Тулгар төрийн 2232, Их Монгол улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын зөвлөхөөр ардын багш С.Дулам ажилласан. Тэрээр баяр наадамд ажилласан тухайгаа "Энэ жилийн наадамд зөвлөхөөр томилогдож, "Эв мөнхийн тусгаар Монгол" хэмээх үзэл санааны дор сайхан залуустай гар, сэтгэл нийлж ажиллалаа. 2023 оны тавдугаар сарын 4-нд Үндэсний их баяр наадмын зохион байгуулах хорооны хурлын шийдвэрээр "Скин энтертайнмент"-ийн захирал Б.Анарыг ерөнхий найруулагчаар, УДЭТ-ын найруулагч А.Чингүнийг туслах найруулагчаар, намайг зөвлөхөөр томилсон билээ. Авьяаслаг залуус маань уйгагүй хөдөлмөр, хичээл зүтгэлээрээ цаашид үндэсний их баяр наадмаа өвлөн авч явж чадахаа батлан харууллаа. Энэ жилийн наадам нь төр, хувийн хэвшил хамтарсан, дэлхийн 300 том эдийн засагч зочноор уригдсанаараа онцлогтой байлаа" хэмээн хуваалцжээ.
