Армийн генерал Сергей Суровикиныг "Матросская Тишина" болон "Кремлевский централ" гэж нэрлэгддэг хорих байруудын аль нэгэнд байгаа гэсэн цуу яриаг Москвагийн Олон нийтийн хяналтын комиссын гүйцэтгэх нарийн бичгийн дарга Алексей Мельников няцаажээ. Олон нийтийн хяналтын комисс мөн Суровикин "Лефортово" болон бусад урьдчилан хорих төвд байгаагүй гэж мэдээлсэн.
Мельников ийм баримтыг нуух нь нэлээд хэцүү тул Оросын генералыг ямар нэгэн тусгаарлах байранд байгаа гэдэгт эргэлзэж байна гэжээ.
Үүнээс өмнө Төрийн Думын Батлан хамгаалах хорооны дарга Андрей Картаполов Суровикиныг хаана байгаа тухай асуултад хариулахдаа, генерал одоогоор амарч байгаа бөгөөд ажил үүрэгтээ эргэн орох хугацаа нь хараахан болоогүй байгаа гэсэн юм.
"Вагнер" хөлсний цэргийн удирдагч Евгений Пригожины бослогын дараа цахим сүлжээ болон хэвлэл мэдээллийн хэрэгслээр Суровикин бослогын талаар мэдэж байсан гэх цуу яриа гарч, генералыг огцорч магадгүй гэж мэдээлж байсан юм. Түүнчлэн түүнийг баривчлагдсан гэх таамаг чнэлээд гарсан. Энэ талаарх сэгүүлчдийн асуултад Ерөнхийлөгчийн хэвлэлийн нарийн бичгийн дарга Дмитрий Песков хариулахдаа үүнийг Батлан хамгаалах яамнаас тодруулж асуухыг зөвлөсөн юм.
Хожим нь Суровикины охин аавыгаа баривчилсан тухай мэдээллийг няцааж, генералыг хэн ч баривчлаагүй, түүний бүх зүйл хэвийн байгаа гэж онцолжээ.
Эх сурвалж: Лента.ру
