Сансрын "Жеймс Уэбб" дурангаас илгээсэн оддын тоосонцорын үүлний фонон дээр нартай төстэй од үүсч байгааг харуулсан шинэ зургийг НАСА нийтэлжээ.
Долдугаар сард АНУ-ын Агаарын сансрын агентлаг "Жеймс Уэбб"-ын орчлонт ертөнцийн анхны зургийг дэлхий рүү илгээсний нэг жилийн ойг тэмдэглэж байгаа бөгөөд энэ нь орчлонт ертөнцийн орон зайд байгаа хамгийн том хүчирхэг дуран авай юм. "Жеймс Уэбб"-ийг 2021 оны 12 дугаар сард сансарт хөөргөсөн бөгөөд энэ хугацаанд түүний Дэлхий рүү зургууд илгээсэн зургууд нь Орчлон ертөнц, галактикууд үүссэн цаг үеийг танин мэдэх боломжийг олгож байна.
Энэ удаагийн илгээсэн энэ гайхалтай гэрэл зураг нь дэлхийгээс 390 гэрлийн жилийн зайд орших Ро Змееносца үүлний бөөгнөрөлд од үүсч буйг харуулжээ. Энэхүү зураг нь эрдэмтдэд сансар огторгуйн энэ бүсийн орон зайг нарийвчлан судлах онцгой боломжийг олгож байна.
НАСА-гийн тэргүүн Билл Нелсон “Ганцхан жилийн дотор Жеймс Уэбб сансрын дуран анх удаа сансрын тоосонцорын үүлийг нэвт харж, орчлон ертөнцийн алс хязгаараас гэрлийг олж харснаар хүн төрөлхтний сансар огторгуйн талаарх ойлголтыг өөрчилсөн.
Шинэ зураг бүр нь шинэ нээлт бөгөөд дэлхийн өнцөг булан бүрээс эрдэмтэд урьд өмнө нь мөрөөдөж ч чадахгүй байсан асуултандаа хариулт олох боломжийг олгодог" гэж тэр нэмж хэлэв.
Тус телескопыг 2021 оны арванхоёрдугаар сард Францын Гвианагаас хөөргөсөн, Жеймс Уэбб дуран нь 6.5 м диаметртэй алтаар бүрсэн толь бүхий өвөрмөц ажиглалтын төв юм.
Энэ нь өмнөх Хабблаас ялгаатай нь хэт улаан туяаны гэрлийг ажиглаж, цаг хугацааны эхэн үеийг ойртуулж, одод болон гаригийн систем бүрэлдэн тогтдог тоосон үүл рүү илүү үр дүнтэй нэвтрэх боломжийг олгодог.
Энэхүү телескопыг НАСА Европ, Канадын сансрын агентлагуудын оролцоотойгоор бүтээсэн бөгөөд 10 тэрбум ам.долларын өртөгтэй ажээ.
Эх сурвалж: ВВС
