ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков Байгал нуурын экологийн төвийн бүсэд барилгын төсөл, тэр дундаа автозамын ажлыг хэрэгжүүлэхэд зориулж газар олгох хуулийн төслийн талаарх асуултад хариулав.
Песковын хэлснээр, энэ асуудалд Байгаль нуурын экологийн аюулгүй байдал нь маргаангүй тэргүүлэх чиглэл юм. Тиймээс энэ нөхцөл байдлыг Төрийн Думын мэргэжилтнүүд авч үзэх ёстой. Гэхдээ ийм газруудыг хүмүүст бас хааж болохгүй гэдгийг хэвлэлийн төлөөлөгч тодотгов.
“Аялал жуулчлал хөгжих ёстой, хүмүүс үүнийг ашиглах ёстой. Гэхдээ байгальд хор хөнөөл учруулахгүй байх ёстой. Тиймээс одоо энэ ажил Төрийн Думын түвшинд яригдэж байгаа тул илүү дэлгэрэнгүй тайлбарыг тэд өгөх ёстой "гэж Песков хэлэв.
Байгаль нуурын бүс нутагт 2030 оны эцэс гэхэд гидротехникийн байгууламж, инженерийн болон нийгмийн дэд бүтэц, зам, бие засах газар, нийтийн хоолны газар барихаар төлөвлөж, хуулийн төсөл боловсруулж байгаа нь урьд нь тодорхой болсон юм. Хуулийн төслийг зохиогчид үүнийгээ нутгийн иргэдийн нөхцөл байдлыг сайжруулах зорилготой гэж тайлбарлаж байгаа юм.
Эх сурвалж: Лента.ру
