“Монголын Эдийн засгийн форум-2023” өнөөдөр Төрийн ордонд эхэллээ. “Welcome to Mongolia” уриан дор болж буй энэ удаагийн чуулганд гадаад, дотоодын 1700 орчим зочин төлөөлөгч оролцож байна.
Чуулганыг Монгол Улсын Ерөнхий сайд Л.Оюун-Эрдэнэ нээж, үндсэн илтгэлийг УИХ-ын дарга Г.Занданшатар тавьж байна. Дараагийн буюу хүндэт зочны илтгэлийг АХБ-ны дэд ерөнхийлөгч Ашок Лаваса тавих юм. Чуулганы нэгдсэн хуралдаан “Монгол Улсын тогтвортой хөгжлийн бодлого” сэдвээр болно.
Энэ удаагийн форум Монгол Улсын эдийн засаг өсөх хүлээлт дор болж байна. Дэлхий нийтийг хамарсан "Ковид-19" цар тахлын дараах Монгол Улсын эдийн засгийн хурдацтай өсөлтийг онцлох юм.
2022 онд Монголын эдийн засаг таамаглаж байсан 4 хувиас өндөр өсөлтийг үзүүлсэн бол 2023, 2024 онд мөн өндөр өсөлт үзүүлэх таамаглалтай байгаа юм.
