Аврах ажиллагаанд явж байсан иргэн үерийн усанд эндсэн гэх мэдээлэл цахим орчинд тархсан. Тодруулбал, Сэлэнгэ аймгийн Мандал суманд өчигдөр аврах ажиллагаанд явж байсан иргэн Зил-131 маркийн авто машинтайгаа модон гүүрээр гарч байгаад унажээ.
Уг асуудлыг албаныхнаас тодруулахад “Иргэн “Д” автомашинтайгаа урсаж алга болсон мэдээллийн дагуу эрэн хайх ажиллагааг Цагдаагийн байгууллагаас мэргэжлийн байгууллагуудтай хамтран эрэн хайж байна” гэлээ.
Иймд иргэд олон нийтийг гол усаар гарах, орон нутгийг зорихдоо анхаарал болгоомжтой байхыг сэрэмжлүүлж байна.
