Өнөөдөр Баянгол дүүргийн Эрүүгийн хэргийн анхан шатны шүүхээс шүүгдэгч С.Батдөлд 12 жилийн хорих ял оноожээ.
УБТЗ-ын албаны орлогч дарга С.Батдөлийн гэр болон түүний хамаарал бүхий этгээдүүдийн гэрээс 7.3 тэрбум төгрөгийг хураан авч, цагдан хорьсон байдаг. С.Батдөлтэй хамт 6 хүнийг шалгасан. Шүүхээс С.Батдөлийн ах С.Баттулгад 3 жил хорих ял оноож, тэдэнд хахууль өгсөн Б.Эрдэнэхүү, Д.Адьяацэрэн, Б.Энхмандах, Ж.Багамонгол, Р.Дашбилэг нарыг торгох ялаар шийтгэжээ.
С.Батдөлийн үл хөдлөх хөрөнгүүд болон бэлэн мөнгийг нь хурааж улсын орлого болгохоор шийдвэрлэсэн байна.
