2023 оны 7-р сарын 3-ны Даваа гараг нь цаг уурчдын үзэж байгаагаар манай гарагийн хамгийн халуун өдөр болов. Гэхдээ энэ нь цаг агаарын ажиглалтын түүхэн дэх хамгийн халуун өдөр юм. Тухайн өдрийн дэлхийн дундаж температур долоон жилийн өмнө тогтоосон дээд амжилтыг давсан байна.
АНУ-ын засгийн газрын "Байгаль орчны урьдчилан таамаглах үндэсний төв"-ийн эрдэмтдийн мэдэгдсэнээр, долдугаар сарын 3-нд дэлхийн дундаж температур Цельсийн 17.01 хэмд хүрчээ. Өмнө нь 2016 оны наймдугаар сард бүртгэгдсэн дээд амжилт нь 16.92 градус байв.
1979 оноос хойшхи хамгийн халуун өдөр байсныг эрдэмтэд тодотгов. Гэхдээ энэ нь 19-р зууны сүүл үеэс хойш тогтмол хийгдсэн шинжлэх ухааны ажиглалтын түүхэн дэх дээд амжилт юм гэжээ.
Цаг уурчдын үзэж байгаагаар манай гаригийн ажиглалтын түүхэн дэх хамгийн дулаан зургадугаар сар энэ жил тохиосон. Эрдэмтэд хүлэмжийн хийн ялгаралтаас үүдэлтэй уур амьсгалын ерөнхий өөрчлөлт болон Эль Ниногийн байгалийн үзэгдлийн эхлэлтнй хавсарсан нь дэлхийн дулаарал ийнхүү үнэмлэхүй нэмэгдэхэд нөлөөлсөн гэж үзэж байна.
Эль-Ниньо бол экваторын болон Номхон далайн өмнөд хэсэгт усны температур тогтмол нэмэгддэг байгалийн хүчтэй үзэгдэл юм. Энэ нь дэлхий даяар уур амьсгалд нөлөөлдөг. Сүүлчийн Эль Нино үзэгдэл 2016 онд тохиолдсон.. Эрдэмтдийн үзэж байгаагаар тэр үзэгдэл одоо эргэн ирж байна.
Энэ жил Испани болон Азийн олон оронд хаврын халуун дээд хэмжээнд хүрсэн. Үргэлжлэн дэлхийн далай тэнгисийн янз бүрийн хэсэгт, жишээлбэл, Хойд тэнгист усны температур хэвийн бус нэмэгдсэн. Бээжинд сүүлийн 60 жилд анх удаа 41 градусын халуун бүртгэгдсэн байна.
Ройтерс агентлагийн мэдээлснээр, Антарктид дахь Украины "Академик Вернадский" станцад долдугаар сард Цельсийн нэмэх 8.7 хэм хүрч шинэ дээд амжилт бүртгэгдсэн. Гэтэл одоо Антарктидад өвлийн улирал тохиож байгаа юм.
Цаг уурч Леон Саймонс “Бидэнд найдвартай мэдээлэл байгаа. Манай гарагийн гадаргуугийн дундаж температур анх удаа 17 хэмд хүрсэн нь дэлхийн дулаарлын түүхэн дэх гайхалтай үйл явдал” гэж хэлжээ.
Лейпцигийн их сургуулийн эрдэмтэн Карстен Хаустайн "Энэ сар түүхэн дэх хамгийн халуун долдугаар сар байх магадлалтай.
Эх сурвалж: ВВС
