Үндэсний их баяр наадмын тасалбарыг 07-р сарын 01-ээс буюу хоёр хоногийн өмнө shoppy.mn -ээр борлуулж эхэлсэн. Гэвч наадмын тасалбар ердөө 15 минутын дотор дуусч, шагийн үнээр борлуулагдаж эхэлжээ.
Наадмын тасалбар гэсэн цахим хуудас нээж, 42 000-52 000 мянган төгрөгөөр зарагдаж буй тасалбарыг 200 000-500 000 төгрөгөөр зарж эхэлсэн байна.
Жил бүрийн Үндэсний их баяр наадмын тасалбарыг ийнхүү шаглаж, дамлаж зардаг үзэгдэл гарсаар байгаа ч түүнийг шийдсэн ямар нэг шийдэл, зохицуулалт одоог хүртэл хийгээгүй байна. Үндсэндээ шагчид бөөнөөр нь худалдан авч, бусдадаа дамлан зарж, бусдыгаа хохироодог үзэгдэл байсаар байна. Харин үүнд хэн анхаарч, ямар хариуцлага тооцохыг бид тодруулж хүргэнэ.
