Би-Би-Си агентлаг өмнөх өдөр нийтлэгдсэн хиймэл дагуулын зургийг судалж үзэхэд Беларусийн өмнөд хэсэгт байрлах цэргийн баазад саяхан шинэ байгууламжууд бий болсон байна. Зарим хүмүүс үүнийг Вагнер ПМК-ийн хөлсний цэргүүдийг дахин байршуулах боломжтой гэж үзэж байна.
"Эрх чөлөө" радиогийн анх үзүүлсэн хиймэл дагуулын зургадугаар сарын 27-ны өдрийн зураг дээр Беларусийн Осиповичи хотын ойролцоох орхигдсон баазад майхан эсвэл түүнтэй төстэй зүйл харагдаж байна.
Зургадугаар сарын 19-нд авсан газрын хиймэл дагуулын зурагт эдгээр объект хараахан байгаагүй байна.
6-р сарын 27-ны өдрийн зураг нь нягтрал багатай тул яг юу шинээр гарч ирснийг хэлэхэд хэцүү юм. Гэхдээ бүс нутгийн бусад цэргийн баазуудын том майхнууд шиг тэгш өнцөгт объектуудыг л олж харж болно.
Зургадугаар сарын 24-нд бүтэлгүйтсэн бослогын дараа Кремль ба Александр Лукашенкогийн албан ёсны хувилбарын дагуу "Вагнер"-ийн хөлсний цэргүүд Беларусь руу шилжихийг зөвшөөрсөн. Евгений Пригожин ч мөн тэнд очих ёстой байсан, гэхдээ одоо хаана байгаа талаар баттай мэдээлэл алга байна.
Шинэ объектуудыг илрүүлсэн бааз нь Осиповичи хотоос 20 км, Минскээс зүүн өмнө зүгт 100 км-ийн зайд байрладаг. Энд 2018 он хүртэл Беларусийн армийн пуужингийн бригад байрладаг байв.
Лондонгийн Кингс коллежийн Оросын армийн мэргэжилтэн Марина Мирон "Вагнер"-чууд бүх зүйлийг алгуур аажим хийгдэг армийнхтай адил биш. Хэрэв тэд нэг өдрийн дотор бараг Москвад хүрсэн бол Беларусьт хуаран барьж эхэлсэн гэж үзэх бүрэн боломжтой "гэж хэлэв.
Эх сурвалж: ВВС
