Цагдаагийн байгууллагаас Боловсролын зээлийн сантай холбоотой асуудлыг шалгаж байгаа. Шалгалтын явцын талаар мэдээлэл өглөө.
ЦЕГ-ын Эрүүгийн цагдаагийн албаны дарга Т.Сүхболд "БЗС-ийн асуудалд ажилын хэсэг байгуулагдаад шалгаж байгаа. Боловсролын зээлийн сангаас төрийн өндөр албан тушаалтан, түүний хамаарал бүхий этгээд, мэдээлэлд ойрд этгээдүүд хууль бусаар тэтгэлэг аваад эргэн төлөөгүй. Мөн тэтгэлгийн мөнгийг завшсан гээд олон байдлаар шалгаж байгаа.
1997 оноос хойш тушаал гаргаж гадаадад сурах сургалтын тэтгэлэг өгсөн үе үеийн Боловсролын сайдуудын мэдээллийг шалгах, суралцагч бүхийн хувийн хэрэгт үзлэг шинжилгээ хийж 3000 хүнээс мэдүүлэг авах ажиллагаа хийгдэж байна. Зээл авсан хүн бүхэн буруутай гэж шалгаагүй гэдгийг хэлье.
Шалгалтын явцад тус сангийн архивын зарим баримт байхгүй, хадгалалтын шаардлага хангаагүй, дутуу төлбөрийг шилжүүлсэн, анхан шатны баримт байхгүй зэрэг нь мөрдөн шалгах ажиллагаанд хүндрэлтэй байна. Шалгалтаар олон зуун оюутны хувийн хэргийг шалгаж байна. Суралцагч нар гэрээний үүргээ биелүүлүээгүй, төриийн байгуулагад 5 жил ажилласан мэдээлэл байхгүй, суралцах жилийг гэрээнд тэмдэглээгүй, гадаад хэлний бэлтгэлдээ сурснаас хойш цааш сурсан эсэх нь тодорхойгүй, Монголд эргэж ирээгүй, IELTS, TOEFL-ийн шалгалтын материал нь дутуу гэх мэт зөрчил нийтлэг илэрсэн. 16 жилийн хугацааг хамарсан шалгалт хийж байна. Мөрдөн байцаагчид амралтын өдрүүдэд ч гэрчийн мэдүүлэг авч байгаа." гэлээ.
